Un bo xesto

Un mal día. Choiva nada máis asexar pola fiestra. A ría neboenta, nin os paxaros palpebrexan sequera. Un día de maio frío e longo. Pero todo cambia. Un paso de peóns, un bo xesto, un sorriso, dous sorrisos... E fóra. Cambio de atitude, fóra malos pensamentos, adiante ao positivismo, ao individualismo no bo sentido da palabra, a ver a vida coma nun anucio de Evax. A que saben as nubes? Nin o sei nin o quero saber.
Por iso, todos temos días bos e días malos. Ou días malos e días horríbeis. Mais cómpre saber que un día non ven marcado por defecto, e ti mesmo podes trocar o rumbo da túa xornada. Está nas túas mans. E que mellor maneira de comezar o changing que mirarse ao espello, loarse a cadanseu gusto, e tomarse un kit kat...